Á Klébergi er skilti um starfsemi á Klébergi ásamt örnefnamynd af svæðinu frá Búa að Gróttu. Nú vill Sögufélagið setja upp annað skilti sem sýnir m.a. örnefnamynd hins hlutans, þ.e. örnefni á Kjalarnesinu, í Akrafjallinu og Esjunni. Ánægjulegt er er ef þetta yrði að veruleika fyrr en síðar.
Kjalarnesið þykir að mörgu leyti merkilegt svæði hvað varðar, sögu og fornminjar og má t.d. nefna að talið er að hér hafi fyrsta kirkjan á landinu risið og það fyrir kristnitöku. Þar sem unnið er að því að gera Kjalarnesið að eftirsóttari stað, bæði fyrir heimamenn og gesti, þá er þetta eitt af mikilvægum liðum þar að lútandi, þ.e. að fræða fólk um hina ágætu sögu Kjalnesinga. Aukin áhersla á fræðslu sem þessa hlýtur að hafa jákvæð áhrif á samfélagið okkar og ekki síst skólastarfið.
This content is created by the open source Your Priorities citizen engagement platform designed by the non profit Citizens Foundation