Hvað viltu láta gera? Skapa meira líf á Eiðistorgi. Margir litlir veitingastaðir líkt og á Hlemmi/Granda mathöll myndi vera mikil hverfisbót og gera svæðið mun meira aðlaðandi. Einnig mætti leyfa t.d. bændamarkaði til að bjóða upp á ferskar vörur beint frá bónda og listamarkaði um helgar. Þar sem Eiðistorg er nefnt í lýsingunni fyrir hverfið þá skráði ég það með þó svo að það teljist til Seltjarnarnes. Hvers vegna viltu láta gera það?
Eiðistorg er ekki í Reykjavík. Betra að senda þessa hugmynd á Seltjarnarnesbæ því Reykjavík getur ekkert gert í þessu
Góð hugmynd en Eiðistorg er á Seltjarnarnesi 170
Eins og bent hefur verið á, er Eiðistorg á Seltjarnarnesi, en árið 2015 hélt bærinn hugmyndasamkeppni um nýja miðbæ: http://www.seltjarnarnes.is/frettirogutgefidefni/frettir/nr/9528 Hugmyndin sem sigraði er flott en það er ekki að sjá að neitt hafi verið gert til að vinna áfram með verkefnið. http://www.seltjarnarnes.is/frettirogutgefidefni/frettir/nr/9528 Það er þó rétt að hvetja Seltjarnarnes til að taka enn meiri þátt í svona uppbyggingu með rækilegri uppbyggingu á flottum bæjarkjarna.
Eiðistorg tilheyrir ekki Reykjavíkurborg. Heldur sveitarfélaginu Seltjarnarnesi og útsvarsgreiðendum þar.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem verkefni hugmyndarinnar er ekki innan verkefna / valdheimilda Reykjavíkurborgar eða ekki á borgarlandi. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation